Մահացությունների մոտ 40%-ը կարելի է կանխել. med.news.am

Ամեն տարի 900 հազար մարդ մահանում է հինգ հիմնական հիվանդություններից, բայց այդ դեպքերի 20-40%-ը հնարավոր է կանխել, համաձայն ԱՄՆ Հիվանդությունների վերահսկման եւ կանխարգելման  կենտրոնների, հայտնում է Fox News-ը։

Մահացության հինգ հիմնական պատճառներն են սրտային եւ ստորին շնչուղիների քրոնիկ հիվանդությունները, քաղցկեղը, ինսուլտը եւ վնասվածքները։ ԱՄՆ-ում 2010թ.-ին մահացածների 63%-ը հենց այս հիվանդությունների զոհն է դարձել, ասված է զեկույցում։ Բայց այս մահվան դեպքերից կարելի էր խուսափել, եթե մարդիկ փոխեին իրենց վարքագիծը, ասել են հետազոտողները։

ԱՄՆ-ի բոլոր նահանգներում 2008 մինչեւ 2010թթ. հետազոտողները վերլուծել են մինչեւ 80 տարեկան մարդկանց մահվան պատճառները։ Հետազոտողները այս նահանգներում ապրող մարդկանց սննդակարգում մեծ տարբերություններ են գտել. հարավ-արեւելյան նահանգներում ավելի շատ են նկատվել կանխելի մահացության դեպքեր։ 

Օրինակ, մարդիկ կարող են խուսափել սրտի հիվանդություններից, եթե թողնեն ծխելը եւ վերահսկեն արյան ճնշումը եւ խոլեստերինի մակարդակը, ինչպես նաեւ ճիշտ սնվեն եւ մարզանք կատարեն։

Մարդիկ նաեւ պետք է սկսեն կապել ամրագոտիները, օգտագործել մոտոցիկլետի սաղավարտը, չչարաշահել ալկոհոլը եւ թմրամիջոցները, ինչպես նաեւ նրանք չպետք է երկար գտնվեն արեւի տակ, որպեսզի նվազեցվի կանխելի մահացությունների եւ դժբախտ պատահարների վտանգը, ասված է հետազոտության մեջ։

Հարցեր, պատասխաններ, մեկնաբանություններ